Atendidas 81 persoas en 64 accidentes durante o fin de semana en Galicia

Urxencias Sanitarias de Galicia-061 atendeu, durante este fin de semana, a un total de 81 persoas debido a 64 accidentes de tráfico ocorridos nas estradas galegas, entre as 15,00 horas do venres e as 23,59 horas do domingo 12 de novembro. O venres foi a xornada con máis sinistros, ao contabilizar 23.

Segundo informou o 061, neste tempo a central recibiu 85 chamadas relacionadas con accidentes de tráfico, que xeraron 64 asistencia sanitarias por parte do persoal do 061, que atendeu 81 persoas.

A proporción de homes e mulleres foi do 59-41 por cento, respectivamente. En canto ás idades, o 26 por cento dos atendidos tiña entre 20 e 34 anos. Por provincias, A Coruña sitúase á cabeza con 24 accidentes; seguida de Pontevedra, con 27; Lugo, con oito sinistros; e Ourense, con cinco accidentes de circulación.

Central de atención telefónica de Urxencias Sanitarias 061 Galicia | Fonte: URXENCIAS SANITARIAS - Arquivo