18F.- Besteiro augura "15 días marabillosos" de campaña e asegura que "sacará a todo o mundo da casa" para votar

O candidato do PSdeG á Presidencia da Xunta, José Ramón Gómez Besteiro, augurou "15 días marabillosos" de campaña electoral, nos que aspira a "contaxiar a todos os cidadáns a ilusión polo cambio". Besteiro pronunciouse deste xeito en declaracións aos medios en Santiago de Compostela, aos que dixo que afronta a campaña con "moitísima ilusión" e "entregado" para lograr "un cambio para mellor", cunha Galicia "desenvolvida", que "xere emprego", que sexa "ambiciosa no territorio de España e Europa" e que, en definitiva, "xere máis dereitos".

"Eu vivo as campañas con moitísima alegría sempre, é o que necesita o cidadán, que a exposición política, os proxectos, os equipos, defínanse como son, e o socialismo é avanzar, e avanzar con alegría", afirmou. Todo iso para "pasar páxina aos 15 anos apáticos e tristes" do Goberno do PP. "Eu vou contribuír a que todo o mundo que queira cambio, non quede en casa", dixo antes de asegurar que percibe que xa hai "unha maior mobilización" e que o PSdeG tratará de "sacar a todo o mundo de casa" para que haxa unha maior participación.

O secretario xeral do PSdeG, Valentín González Formoso, e o candidato do PSdeG á Presidencia da Xunta, José Ramón Gómez Besteiro, en declaracións aos medios | Fonte: Europa Press