A Garda Civil realiza un operativo en Lugo e A Coruña contra unha banda que asaltaba locais comerciais e naves
A operación está baixo segredo e podería estenderse até o xoves.
Por Europa Press / Redacción | LUGO | 28/02/2024 | Actualizada ás 17:44
A Garda Civil leva a cabo desde primeira hora da mañá deste mércores un operativo nas provincias de Lugo e A Coruña contra unha banda dedicada a asaltar locais comerciais e naves na que, polo momento, hai varias persoas detidas.
Fontes próximas á investigación confirmaron a Europa Press que ao longo deste mércores producíronse rexistros en vivendas e locais de Lugo e A Coruña vinculadas a este grupo, que operaba en Galicia e Asturias.
Segundo avanzou o diario El Progreso, habería polo menos unha ducia de arrestados pola súa implicación nesta rede. A investigación continúa baixo segredo e non se descarta que se produzan novas detencións.
Estas mesmas fontes apuntan que o operativo segue en curso durante a tarde deste mércores e podería prolongarse ata o xoves.
A operación prodúcese o día despois de coñecerse a desarticulación doutra banda tamén dedicada a roubos en establecementos comerciais e vivendas habitadas en Lugo que non tería relación algunha co grupo contra o que se dirixe a acción coordinada pola Garda Civil luguesa.
