Detido un home por tráfico de drogas no Ensanche de Santiago

Un home foi detido pola Policía Nacional no Ensanche de Santiago de Compostela acusado de traficar con sustancias estupefacientes. O arresto produciuse na tarde do pasado mércores nun edificio da rúa da Rosa, segundo trasladaron fontes coñecedoras do caso.

A detención tivo lugar ao redor das 19,30 horas do mércores nunha vivenda da citada rúa do Ensanche compostelán, como apuntaron veciños da zona.

Rúa da Rosa, en Santiago de Compostela | Fonte: Europa Press