Restablecido o tráfico na A-52 na Cañiza tres horas despois de que un camión ciscara graxa e restos animais
A Garda Civil estableceu durante ese tempo desvíos da circulación pola saída 282 para conducir o tráfico pola nacional N-120.
Por E.P. | SANTIAGO DE COMPOSTELA | 29/02/2024 | Actualizada ás 18:09
O tráfico no carril sentido Benavente (Zamora) da A-52 á altura polo municipio pontevedrés da Cañiza foi restablecido tres horas e media despois de que un camión que transportaba graxa e restos animais ciscara a súa carga ao longo dun quilómetro.
Segundo informou a Garda Civil, o paso polo quilómetro 277 da Autovía das Rías Baixas quedou reaberto ás 15,50 horas unha vez foron limpados os restos deixados sobre o pavimento por un camión ao redor das 11,30 horas deste xoves.
Os restos animais quedaron esparexidos ao longo dun quilómetro en ambos os carrís do sentido Benevante, o que imposibilitaba o tránsito con seguridade ata que o pavimento fora limpado.
Axentes da Garda Civil estableceron desvíos da circulación pola saída 282 para conducir o tráfico pola nacional N-120.
