O BNG facilita que o PSdeG teña un posto na Mesa do Parlamento
A pesar de poder ocupar os dous postos, os nacionalistas decidiron manter a pluralidade na Mesa da Cámara.
Por Europa Press / Redacción | SANTIAGO DE COMPOSTELA | 18/03/2024 | Actualizada ás 10:32
O Grupo Parlamentario do BNG propón que Montse Prado repita como vicepresidenta segunda na Mesa da Cámara autonómica e avanzou que os nacionalistas favorecerán que o PSOE estea no órgano reitor. Respecto diso, fontes socialistas confirmaron a Europa Press que será a cabeza de lista pola Coruña, Patricia Iglesias.
Segundo comunicaron fontes do grupo, o Bloque decidiu "ceder" o posto ao terceiro grupo da Cámara, que ten nove escanos, "en aras de visibilizar a pluralidade tamén nos órganos de dirección", como xa fixo na lexislatura pasada.
Ademais dos 40 deputados do PPdeG, con maioría absoluta, o BNG logrou 25 representantes na Cámara lexislativa, o seu máximo histórico, fronte ao PSOE, que tivo nove e un por Democracia Ourensá.
