Rego (BNG) ve "hipócrita" que o PP só "queira investigar algúns" dos contratos en pandemia

O deputado do BNG no Congreso, Néstor Rego, tacha de "hipocrisía" e "demagoxia" que PP só "queira investigar algúns" contratos relativos a compra de material sanitario na pandemia, pero se negue a facelo nos casos que "afectan directamente a Feijóo" na súa etapa na Xunta ou á presidenta da Comunidade de Madrid, Isabel Díaz Ayuso.

A preguntas da prensa este martes en Santiago, Rego avisou aos populares que "non poden mirar só para un lado", o que ve "hipócrita, cínico e demagóxico", pois o PP "levou ao Congreso" que se investigase o caso Koldo pero non o resto de casos.

Defende que "se investiguen todos os contratos de máscaras cunha mínima sospeita" nos que haxa "unha denuncia pública", que "non ten por que ser xudicial". Aquí citou a Ayuso e ao seu irmán, así como a "os contratos que afectan ao PP en Galicia", con Alberto Núñez Feijóo como presidente da Xunta, cunha empresa "que forneceu máscaras con etiqueta de homologación falsificada" e que "volveu ser destinataria doutros contratos por parte da Administración galega".

Así mesmo, Rego apunta que "a resposta de Rueda non deixa de ser ben curiosa", pois "di que non quere investigar porque non hai nada que ocultar". Igualmente, sinala que "é posible" que a comisión de investigación no Congreso investigue cuestións que afectan o "cuñado de Feijóo" ou a "a empresa na que traballa o marido da secretaria xeral do PP de Galicia".

O deputado do BNG no Congreso, Néstor Rego. BNG | Fonte: Europa Press