A CIG critica a reforma da protección por desemprego por "insuficiente"

A central nacionalista CIG criticou o acordo para a reforma da protección por desemprego por "non garantir", ao seu xuízo, unhas prestacións dignas.

Ademais, rexeita que o Goberno español "continúe negociando no diálogo social medidas que se deberon abordar nos órganos de representación institucional". Á espera de coñecer todo o contido do acordo, entende que os cambios pactados son "insuficientes" para garantir unhas prestacións dignas.

Para o secretario xeral da CIG, Paulo Carril, estase "ante un novo capítulo do plan de axuste e recortes para cumprir coas esixencias de acceso aos fondos da Unión Europea".

Paulo Carril (CIG). CIG - Arquivo