Sumar Galicia critica as palabras do ministro Puente e urxe unha AP-9 "pública e gratuíta"

Sumar Galicia criticou este xoves as "desafortunadas" declaracións do Ministro de Transportes e Mobilidade Sustentable, Óscar Puente, e urxiu unha AP-9 "pública e gratuíta". Nun comunicado, o candidato galego ás eleccións europeas Juan Díaz Villoslada mostrou a súa pesar pola "falta de compromiso" do ministro coa recuperación dunha infraestrutura "fundamental" para o desenvolvemento da Comunidade. El reivindicou que Sumar proporá en Europa o seu rescate "para devolvela a toda a cidadanía".

"O ministro Óscar Puente non parece ter interese en pelexar polo que é de todos, nós si o faremos", apuntou Díaz Villoslada, quen asegurou que a súa formación "porá encima da mesa do Parlamento Europeo a necesidade de que esta infraestrutura, que resulta absolutamente fundamental para todos os galegos e que supón un eixo de conexión imprescindible, volva ser de titularidade pública de forma inmediata", insistiu.

Villoslada falou tamén da necesidade de apostar por conexións "sustentables", subliñando que o tren Vigo-O Porto ou A Coruña-Ferrol-Lugo-Monforte "non pode demorarse 25 anos máis". "Non podemos tolerar que as necesidades dos galegos sigan estando á cola en Europa", sentenciou.

Todo iso despois de que este mércores Puente cifrase en 4.000 millóns o rescate da AP-9, considerándoo "innasumible" para o Estado e "con claros efectos lesivos para as arcas públicas".

Juan Díaz Villoslada nunha das incorporacións á AP-9.. SUMAR GALICIA | Fonte: Europa Press