Paula Prado pide o voto para ter "forza en Europa" e dicir a Sánchez "xa abonda"

A secretaria xeral do PPdeG, Paula Prado, pediu o voto da cidadanía para que a formación popular "teña forza en Europa" e tamén para dicir a Sánchez "xa abonda", en alusión a decisións como a amnistía.

Fíxoo nunha visita á lonxa da Coruña xunto aos candidatos Francisco Milllán Mon e Pablo Gómez Cedrón e o líder do PP local da Coruña, Miguel Lorenzo, entre outros. "Quedar en casa é avalar a amnistía, a lei do só si é si", sostivo en declaracións aos xornalistas nas que asegurou que o presidente do Goberno, Pedro Sánchez, busca "converter estas eleccións en se se apoia ou non" á súa persoa.

Por outra banda, con motivo do seu encontro co sector na lonxa da Coruña, manifestou que o PP é o "partido da pesca", expuxo ao asegurar que defenderon en Europa "os intereses" do sector. Mentres, Francisco Millán Mon insistiu no papel de Galicia como "primeira rexión pesqueira de Europa". "Queremos un comisario específico só para a pesca", recalcou, ademais de aludir ao labor dos populares no ámbito comunitario.

A secretaria xeral do PPdeG, Paula Prado, na sede da formación en Santiago de Compostela. PPDEG