O PSdeG asegura que Galicia recibiu no últimos seis anos 15.000 millóns máis que con Rajoy no Goberno
Abel Losada destaca que a comunidade vai obter este ano 9.400 millóns, a maior cantidade da súa historia.
Por Europa Press / Redacción | SANTIAGO DE COMPOSTELA | 20/06/2024 | Actualizada ás 15:44
O secretario de Economía e Emprego de PSdeG, Abel Losada, defendeu este xoves que Galicia "nunca estivo tan ben financiada como co Goberno de Pedro Sánchez" e destacou que recibiu no últimos seis anos 15.000 millóns máis que con Mariano Rejoy.
Así o manifestou nun comunicado, no que critica os "agoiros infundados e interesados" do PP acerca dun financiamento para Cataluña e asegurou que "os propios papeis" e manifestacións do PP cuestionan a "especie de escándalo fake" que pretende levantar Feijóo, ao que se une agora Rueda. "Neste últimos seis anos, contando cos fondos covid, recibíronse 15.000 millóns de euros máis que no seis anos de Goberno 'amigo' de Rajoy e, doutra banda, no 2024 se va recibir en Galicia 9.400 millóns", sostivo.
O socialista asegurou que esta é a "maior cantidade" en termos de financiamento autonómico que recibiu esta comunidade, e é un dato "obxectivo" e "non cuestionable". A esas cifras sumoulles a condonación de parte da débeda que se xerou "en relación coa crise financiase inmobiliaria" que xestionou o PP e que dificultou a saída das comunidades aos mercados.
O secretario de Economía sinalou que, por outra banda, en termos fiscais, o modelo dos populares e dos socialistas é "radicalmente distinto". Fronte a "rebaixar impostos especialmente ás clases altas, renunciando a recadar nas comunidades autonómas e solicitando constantemente máis fondos ao Gobiero de España", como fai o PP, os socialistas "aplican un criterio claro, que consiste en que quen máis ten, máis paga".
"Somos un partido de Estado que está afastado dese modelo voluble e oportunista do PP", asegurou Abel Losada, que cualificou de "hipocrisía de manual" que non se sostén en termos financiarvos, nin fiscais nin de equidade, as políticas do PP, que no 2012 "recollía no seu programa electoral un financiamento ad hoc para Cataluña", mentres que no 2016 Feijóo vía "perfectamente razoable un financiamento propio para esa comunidade".
"Ao señor Feijóo e ao PP hai que dicirlles que non están en perigo nin a unidade de España nin o financiamento autonómico. O que está en perigo de verdade é o futuro do señor Feijóo", dixo Losada.
