A volta de Gonzalo Caballero

O que foi secretario xeral dos socialistas galegos Gonzalo Caballero fixo un chamamento ás bases a mobilizarse para "relanzar o PSdeG" tras "catro trompazos electorais consecutivos en 2023 e 2024".

Despois de manter un encontro en Santiago con militantes do catro provincias, Caballero lembrou que os resultados do PSdeG foron "peores que nos comicios anteriores", e tamén a evolución do socialismo galego foi "moito peor que a do Partido Socialista no conxunto de España". "Quero un PSdeG forte e, na miña opinión, os dirixentes que nos levaron a tanto retroceso electoral e o peor resultado da historia nas autonómicas non son capaces de osixenar e impulsar o futuro", manifestou.

O que foi tamén portavoz parlamentario da formación, compartiu con militancia socialista que é o momento de que as bases se mobilicen e de abrir o partido a "unha nova etapa" para, deste xeito, "relanzar o PSdeG" e conseguir que "volva crecer electoralmente".

Así mesmo, asegurou que este encontro tamén serviu para profundar en que "é necesario afastarse" do exercicio de "autocompracencia e triunfalismo" que, ao seu xuízo, mostrou a dirección do PSdeG despois de cada "mal resultado electoral" e para sinalar que "se require autocrítica e cambio".

"Temos que mostrar aos galegos e ás galegas que entendemos a mensaxe que nos deron nas urnas e que somos capaces de ofrecer proxecto e propostas aos problemas de Galicia", defendeu Caballero, que subliñou que o que os move é "traballar polo benestar e o progreso da cidadanía" fronte ás políticas "regresivas" da dereita na Xunta. Pola contra, o exlíder socialista defendeu un PSdeG cun proxecto "de esquerdas, galeguista, ecoloxista e feminista" e cunha profunda "ética na esfera pública" que garanta "a ejemplaridad dos cadros políticos".

Encontro do exsecretario xeral do PSdeG Gonzalo Caballlero con militantes socialistas en Santiago de Compostela.. @G_CABALLERO_M | Fonte: Europa Press