A 'Festa da Empanada' de Allariz: moito máis que unha festa gastronómica

O Concello de Allariz ten preparada unha programación variada e entretida para todos os públicos co gallo da 'Festa da Empanada'. Actividades para todas as idades que inclúen música, deportes, concertos e gastronomía coa exaltación deste tradicional produto galego.

Unha actividade que non falta a esta cita é o Campionato da Billarda, evento que este ano tivo un éxito de inscritos nunca visto. Tanto foi así que tiveron que realizarse probas previas dos equipos sénior ata o 9 de agosto, e quedando as competicións infantís e xuvenís para o día 14. Os/as finalistas senior, tanto masculino coma feminino, xogarán as finais tamén este 14 de agosto a partir das 19:00h. A competición ten lugar no Campo da Barreira.

PROGRAMACIÓN

Venres, 16 de agosto

• 23:00h: Xornadas de Folclore na Barreira. Unha noite dedicada á música e á danza tradicional galega.

Sábado, 17 de agosto

• 18:00h: Tríatlon Vila de Allariz na Alameda, unha oportunidade para os amantes do deporte.
• 21:00h: Xornada Gastronómica con degustación da empanada de Allariz, nos Xardíns do Museo do Coiro.
• 22:30h: Concerto de Brinkadelia Troupe nos Xardíns do Museo do Coiro.
• 00:00h: Discomóbil Apocalipsis, coa sesión do DJ Castro, tamén nos Xardíns do Museo do Coiro.

Domingo, 18 de agosto

• 11:00h: Pasarrúas coa Banda Unión Musical de Allariz.
• 11:00h: Regata Provincial de Piragüismo no embarcadoiro da Alameda.
• 12:00h: Desfile de Xigantes e Cabezudos, acompañado polo grupo de gaitas De Pé Feito, dende a Praza de Abastos ata o Campo de Vilanova.
• 13:00h: Concerto no Campo de Vilanova da Banda Unión Musical de Allariz.
• 18:30h: Presentación do equipo C.D. Allariz, que xogará contra o Sporting Celanova C.F.
• 19:30h: Concerto de De Ninghures no Campo de Vilanova.
• 21:00h: Baile Popular co Grupo Tattoo nos Xardíns do Museo do Coiro.
• 00:00h: Verbena amenizada pola mesma orquestra nos Xardíns do Museo do Coiro.

ACTIVIDADES DEPORTIVAS

Entre as variadas actividades que ofrece a "Festa da Empanada" de Allariz, están dúas probas deportivas que atraen tanto a participantes como a espectadores: o Tríatlon Vila de Allariz e a Regata Provincial de Piragüismo.

Tríatlon Vila de Allariz

O Tríatlon Vila de Allariz terá lugar o sábado, 17 de agosto, con saída ás 18:00 horas na Alameda. As persoas participantes poderán competir nunha contorna única, rodeada de paisaxes naturais que farán do evento unha experiencia inesquecible.

Regata Provincial de Piragüismo

O domingo, 18 de agosto, ás 11:00 horas, celebrarase a Regata Provincial de Piragüismo no embarcadoiro da Alameda. Esta competición, que reúne a equipos de diferentes puntos da provincia, é unha oportunidade para demostrar a destreza e a habilidade no manexo das embarcacións.