Localizan en Ponferrada o menor de Cangas desaparecido desde o sábado

O mozo de 17 anos Izan Pousada, veciño de Cangas, desaparecido desde o pasado sábado, foi localizado en bo estado este mércores en Ponferrada.

Así o confirmou a Garda Civil e ratificouno en redes sociais a nai do mozo, que agradeceu o apoio dos veciños nestes días de incerteza. A asociación SOS Desaparecidos desactivou a alerta que fixera pública con motivo desta desaparición, que a familia había denuciado ante a Garda Civil.

A familia de Izan non sabía nada do seu paradoiro desde o pasado sábado e non conseguía contactar con el, porque tiña o teléfono desconectado. Os achegados sospeitaban de que podería tomar un autobús en Pontevedra.

Desactivada a alerta pola desaparición do cangués Izan Pousada, localizado en bo estado en Ponferrada (León).. SOS DESAPARECIDOS | Fonte: Europa Press