O autor do primeiro caderno de viaxe do Camiño de Santiago volve a Compostela

Ikeda Munehiro, debuxante xaponés de 78 anos e un referente da ilustración a nivel internacional, será un dos invitados estrela da segunda edición do Encontro de Cadernos de Viaxe Compostela Ilustrada. 

Munehiro realizou o que se considera o primeiro caderno de viaxe do Camiño de Santiago. E, desta vez, volve a Santiago para debuxar cos participantes deste evento e explicar a súa aventura no Camiño de Santiago que lle levou a percorrelo nos anos 80 cun caderno onde ía debuxando todo o seu percorrido, prestando especial atención á arte románico.

O resultado daquel traballo foi un libro con máis de 400 debuxos que hoxe se pode ver no Museo das Peregrinacións. Tras aquela viaxe, o mestre xaponés que orienta a súa arte cara á escultura, mostra nas súas obras unha gran influenciada por aquela experiencia ata tal punto de que na maioría das súas exposicións en Xapón nunca falta a figura dun peregrino.

Xunto ao mestre Ikeda Munehiro no Encontro participarán cuadernistas de primeiro nivel como os madrileños Jorge Arranz, Alfredo e Joaquín González Dorao, o francés Lapin, a galega Branca Escrigas, a alemá Isabel Seidell, as portuguesas Fernanda Lamelas e Teresa Escrigas, o zaragozano Santiago Ríos e o valisoletano Mr. Zé.

A segunda edición do Encontro, que dirixe Miguelanxo Prado, celebrarase en Santiago entre o 8 e o 12 de novembro e reunirá a figuras nacionais e internacionais de primeiro nivel. A temática para este ano son os Camiños a Santiago e con este fío de fondo realizaranse conferencias e exposicións sobre o Camiño da Costa, o Camiño do Norte, o Camiño Francés e a propia cidade de Santiago.