Este cachorro foi abandonado nun colector de lixo en Lugo

A Policía Local de Lugo localizou, após o aviso de Urbaser, a un cachorro de can abandonado nun colector de residuos orgánicos en Camiño de Romai.

Segundo informa a través dun comunicado, o can atopábase en estado de desatención e foi despois da chamada telefónica de Urbaser cando se deu co animal.

Polo momento, a Policía Local, que atendeu a este incidente na madrugada do martes, descoñece quen foi o autor do abandono do can.