Lugo contará dende o luns cunha Comisión Provincial de Violencia de Xénero
É unha iniciativa do Conselllo Xeral do Poder Xudicial que se está implantando en todo o Estado para fomentar a coordinación entre institucións na loita contra a violencia machista
Por E.P. | SANTIAGO DE COMPOSTELA | 17/02/2019 | Actualizada ás 11:58
A Audiencia Provincial de Lugo acollerá este luns o acto de constitución da Comisión Provincial de Violencia de Xénero de Lugo, que ten por obxectivo coordinar as distintas institucións para erradicar a violencia sobre a muller e mellorar o sistema de protección das vítimas.
O acto de constitución celebrarase ás 10.30 horas. Ao encontro asistirán o presidente do TSXG, Miguel Anxo Cadenas Sobreira, o presidente da Audiencia Provincial de Lugo, José Antonio Varela Agrelo, e o fiscal xefe da provincia, Roberto Brezmes Caramanzana, entre outras autoridades.
A Comisión Provincial é unha iniciativa do Consello Xeral do Poder Xudicial, que se está implantando nas Audiencias de todo o Estado.
