Rachando coa Historia das mulleres como nola contaron: "Durante o franquismo as mulleres non aceptaron unha volta real á casa"

Galicia Confidencial fala hoxe con Uxía Otero González, doutora en Historia Contemporánea e investigadora do Grupo Histagra da USC, para reivindicar o papel das mulleres nunha sociedade que, pese aos intentos do réxime franquista de silencialas, nunca deixou de avanzar grazas a elas. "Cando vas aos libros de multas, ves moitas mulleres infractoras; se non houbese xente que infrinxise, tampouco habería esa obsesión por establecer normas e non sería necesario que se publicasen circulares nas que se establecía, por exemplo, como tiñan que ser os traxes de baño", resalta.