Crise no pequeno comercio: xa son máis de 7.000 os locais comerciais baleiros en Galicia
Fegein asegura que o ritmo de subida, de case o 9%, "é superior aos peores anos da crise".
Por Europa Press / Redacción | SANTIAGO DE COMPOSTELA | 22/01/2024 | Actualizada ás 13:15
Os locais comerciais baleiros en Galicia son 7.045 a peche de 2023, o que supón 570 máis que un ano antes (+8,8%) segundo un informe de Federación Galega de Empresas Inmobiliarias (Fegein). Asegura que este incremento "é superior aos peores anos da crise".
A repartición de baixos comerciais baleiros en por provincias é o seguinte: Ourense (2.400), A Coruña (2.250), Pontevedra (1.925) e Lugo (470). Os locais en aluguer aumentaron un 35% na última década.
Nas sete cidades, as cifras son as seguintes: Ourense (1.525), Vigo (1.170), A Coruña (925), Santiago (400), Pontevedra (275), Ferrol (270), Lugo (250). No tocante á análise de prezos, Fegein sostén que "se estabilizan os prezos de arrendamento ou diminúen levemente en todas as áreas e cidades". Vigo e A Coruña son as dúas únicas cidades onde menos descende o de aluguer de momento.
Así mesmo, a Federación Galega de Empresas Inmobiliarias considera "significativo" que as rúas máis céntricas das cidades están "practicamente tomadas polas grandes marcas e franquías, co que o comercio local de toda a vida queda desprazado ás rúas semicéntricas ou periferia, ao ser inasumibles os prezos de arrendamentos dos locais nos núcleos céntricos das principais cidades".
PECHE DE NEGOCIOS "DE TODA A VIDA"
Fegein sinala entre os motivos para esta situación: a falta de substitución xeracional, a elevada presión fiscal, a inflación, a escaseza de empregados cualificados e custos labores. Unha cuestión sobre a que chama a atención é que crecen os cesamentos de actividades económica en pemes e peche de negocios de "toda a vida", con máis de 25 anos de antigüidade.
CAMBIO DE NORMATIVA
Así, Fegein apoia "o cambio na normativa de habitabilidade de Galicia co obxectivo de facilitar e permitir, en determinados supostos, que baixos comerciais abandonados ou sen actividade en contornas urbanas poidan renunciar ao seu uso orixinal para reconverterse en vivendas". "Vai contribuír a paliar o grave problema da falta de oferta de vivendas en aluguer", asegura.
