Lara Meneses toma posesión como directora xeral de Xuventude

O conselleiro de Cultura, Lingua e Xuventude, José López Campos, asistiu este xoves á toma de posesión de Lara Meneses Álvarez como directora xeral de Xuventude. Lara Meneses, graduada en Estudos Franceses e cun máster en tradución, substitúe no cargo a Cristina Toimil Pichel, responsable desta área desde decembro de 2018.

A nova directora xeral de Xuventude naceu no municipio pontevedrés de Tomiño, ten 26 anos e traballou en labores vinculados á súa formación no sector privado. Ata este momento, desenvolvía a súa actividade profesional no gabinete da presidencia do Parlamento de Galicia, na área de comunicación e prensa.

O conselleiro de Cultura, Lingua e Xuventude, José López Campos, na toma de posesión de Lara Meneses como nova directora xeral de Xuventude | Fonte: XUNTA