Espectaculares imaxes de satélite das cidades galegas
Sete imaxes das urbes galegas tomadas do proxecto Sentinel 2 Cloudless, totalmente limpas de nubes.
Por Galicia Confidencial | Santiago de Compostela | 14/02/2018 | Actualizada ás 10:34
Imaxes de satélite das cidades galegas como nunca antes se viran, cunha claridade extraordinaria grazas á plataforma Sentinel 2 Cloudless, na cal é posible obter un mosaico de imaxes de calquera parte do mundo totalmente limpas de nubes e de calquera impacto atmosférico, tomadas polo satétile Sentinel-2 da Axencia Espacial Europea (ESA).
A compañía EOX IT Services GmbH lanzou recentemente un mapa interactivo do mundo usando imaxes satelitais da Terra capturadas entre maio de 2016 e abril de 2017. O mosaico combina máis de 80 billóns de píxels de imaxes (ao redor de 250 terabytes de imaxes).
O visor, no que se pode visualizar o mosaico da Terra, libre de nubes e na súa totalidade grazas ao procesado por defecto das súas imaxes para acceder a calquera recuncho da Terra sen perder de vista nada por mor das nubes, foi elaborado con ferramentas de código aberto por EOX co apoio da ESA.
