E que pasa con Fraga?

Un símil que pretende deixar claro que a cuestión da edade non ten que ver coa militancia política. E é que Fraga leva meses apartado dos grandes actos do partido en Galicia. Unha decisión que se adoptou na dirección do partido en Galicia e que aceptou, aínda quen sen querelo, o ex presidente da Xunta. "Onte máis que nunca sería un día para homenaxear a quen deu tanto por Galicia e por este partido", asegura este dirixente ó referirse, precisamente, a festa de aniversario do de Vilalba. "Non lembrades os xornalistas o moito que disfrutaba cando lle celebrabamos os anos na súa víla natal?, imaxinades o que sería cantarlle o cumpreanos aquí, con toda esta xente?". Pero a dirección popular non quería que se lle roubara protagonismo ó líder indiscutible deste acto.

Non son poucos os populares da vella garda de Fraga que non ven con bos ollos o poder que un sector do partido está acumulando e que utiliza para "arrinconar" ó outro. Os "fraguistas" levan tempo en caída libre pero aínda se resisten a que a figura do seu mentor sexa minimizada. "Detrás de todo isto está Romay e a súa camarilla", indica outro ex conselleiro con Fraga ó referirse ao ex conselleiro e ministro de Sanidad, José Manuel Romay Beccaría, representante en Galicia do sector ultracatólico do PP e valedor dos intereses do Opus neste partido.

E semella que Feijóo "deixa facer". Os seguidores de Romay son os que máis poder están acumulando no organigrama do PP galego dende que o ex conselleiro de Política Territorial asumiu a dirección do seu partido. Por iso, non resultou extrano ver a Beccaría e algúns dos seus valedores, sentado a carón dos principais dirixentes do PP.

As mencións a Fraga e a Cuíña non deixan de ser anedóticas nun congreso deseñado para arroupar ó novo dirixente do PP e cortar calquera tipo de lazos co pasado.