Ameazan con denunciar a Catedral de Santiago se non retira en 24 horas a máscara obrigatoria

A Asociación Liberum remitiu un requirimento por burofax á Fundación Catedral de Santiago no que lle dá 24 horas para retirar a obrigatoriedade de acceder ao templo con máscara ou, pola contra, interporá accións xudiciais.

Así o recolle nun comunicado colgado o a súa páxina web, no que aseguran que membros do seu equipo xurídico tiveron coñecemento "en primeira persoa" da "imposición de máscara obrigatoria" para acceder á Catedral de Santiago. Ademais, tal e como sinalan, a páxina web da Fundación tamén recolle esta obrigatoriedade, baseándose na "precaución" necesaria pola afluencia de persoas.

A Asociación Liberum recibiu estas indicacións "con estupor" e considera que se trata dun ataque aos "dereitos fundamentais dos cidadáns". "A Fundación Catedral de Santiago considérase, ilusamente, á marxe da lei, do ordenamento xurídico e constitucional, atribuíndose un rol de autoridades sanitarias que non lle corresponde", apunta a entidade no comunicado.

Liberum sinala que o leal decreto de medidas en vigor "non permite, nin facilita, nin habilita a que a Fundación faga obrigatoria a máscara dentro da Catedral", xa que se circunscribe esta opción a centros sanitarios e transporte público. Con iso, estiman, a Fundación "vulnera e lesiona o principio de legalidade, o principio de xerarquía normativa e o de seguridade xurídica" e exerce "coacción sobre os cidadáns".

Arquivo - Varias persoas fan cola para entrar á Catedral de Santiago de Compostela. César Arxina - Europa Press - Arquivo | Fonte: Europa Press