Atopan afogado no río Deza ao mozo de 18 anos desaparecido en Silleda o domingo
Apareceu nunha canle do Deza, augas abaixo da ponte de Taboada.
Por Europa Press / Redacción | SANTIAGO DE COMPOSTELA | 14/01/2025 | Actualizada ás 17:03
Efectivos da Garda Civil localizaron este martes no río Deza o cadáver, aparentemente sen signos de violencia, do mozo Alex W., de 18 anos de idade, cuxa desaparición foi denunciada pola súa familia en Silleda o pasado domingo.
O mozo foise da súa casa, na aldea de Carballeda, e foi visto por última vez á primeira hora do pasado domingo. Horas despois a súa familia denunciaba a desaparición e púñase en marcha un dispositivo de procura. Nese dispositivo, tanto o domingo como o luns e este martes, participaron efectivos de Garda Civil, Protección Civil, o equipo canino da Estrada, o equipo de drones da Axencia Galega de Emerxencias e numerosos veciños voluntarios.
Finalmente, foron os mergulladores do Grupo Especial de Actividades Subacuáticas (GEAS) da Garda Civil os que localizaron o corpo sen vida do rapaz, na canle do río Deza, augas abaixo do coñecida como ponte de Taboada, sobre as 15,30 horas deste martes. A falta de que se conclúan os labores de rescate e de que se realice a autopsia, todo apunta a que non hai incidios de criminalidade.
