Feridos tras derrubarse o teito da cociña polo vento en Lalín
O temporal Herminia tirou coa chimenea da casa.
Por E.P. | SANTIAGO DE COMPOSTELA | 27/01/2025 | Actualizada ás 10:04
Dúas persoas resultaron feridas nas últimas horas en Lalín despois de que se lles viñese encima parte do teito da súa cociña, que cedeu polo peso da cheminea, caída por acción dos fortes ventos asociados á borrasca 'Herminia'.
Segundo confirmaron fontes de Emerxencias, os feitos ocorreron a última hora da tarde deste domingo, na parroquia lalinense de Donramiro, cando parte do teito da cociña da vivenda veu abaixo, causando feridas a un home de 47 anos, D.M.Ou., e unha muller de 39 anos, E.A.R.A.
Urxencias Sanitarias-061 enviou á zona unha ambulancia de soporte vital básico e persoal da PAC de Lalín. Finalmente, as dúas persoas feridas foron trasladas ao Hospital Clínico de Santiago.
Fontes municipais apuntaron que a vida dos feridos non corre perigo. Os efectivos do Concello acudiron á zona a apontoar e asegurar a vivenda, unha casa unifamiliar de planta baixa, á espera de que a estrutura sexa revisada polos técnicos para determinar o alcance dos danos.
