Os alumnos de Infantil dun colexio de Moraña levan sen clase desde o luns por unha fuga de auga
Non contan aínda cunha data de regreso segura ás aulas.
Por Europa Press / Redacción | PONTEVEDRA | 19/02/2025 | Actualizada ás 18:32
Os alumnos de Educación Infantil do CPI Santa Lucía de Moraña non retomaron aínda as súas clases desde que este luns se cancelase a xornada escolar por unha avaría na rede interna que causou unha fuga de auga, a cal deixou as aulas inhabilitadas. Os estudantes de Primaria do CPI volveron á actividade académica xa o martes, mentres tanto, o alumnado de infantil, de entre 3 e 6 anos, levan xa tres días sen clase e non contan aínda cunha data de regreso segura.
Segundo fontes da Xunta consultadas por Europa Press, os falsos teitos danados xa foron retirados e que o xoves se revisará a situación para poder "tomar unha decisión de cara á xornada do venres". Así mesmo, Educación explicou que é a súa Unidade Técnica da provincia de Pontevedra a que leva a cabo un seguimento "directo" da situación das instalacións do colexio de Moraña "para que os alumnos poidan retomar as clases canto antes".
