Ángeles Vázquez: "Hai que volver a facer os disfraces co que hai na casa"
Anima aos cidadáns a elaborar os seus propios disfraces para reducir residuos.
Por Europa Press / Redacción | SANTIAGO DE COMPOSTELA | 21/02/2025 | Actualizada ás 19:40
A conselleira de Medio Ambiente e Cambio Climático, Ángles Vázquez, animou aos cidadáns a realizar os seus propios disfraces para reducir residuos e evitar compras innecesarias para gozar dun entroido sustentable.
Así o remarcou este venres na Coruña na presentación do Ecotroido, que é unha iniciativa mediante a que a cidadanía ten á súa disposición un espazo no que contan con diferentes ferramentas para facer os seus propios disfraces. O espazo, segundo informou a conselleira, estará aberto o sábado e o domingo de 10.00 horas a 14.00 horas e de 16.00 horas a 20.00 horas.
Desta forma, Vázquez apostou por recuperar o entroido "máis tradicional" no que os disfraces se realizaban cos materiais que "había por casa".
