Entre "merdiñas" e "calzóns cagaos"... cando a literatura galega cae no esterco das redes sociais (Parte I)

Unha entrevista do escritor Alberto Ramos criticando o atraso dun contrato dunha obra publicada en Galaxia tras gañar o Premio Repsol desatou unha polémica nunca vista no mundo literario galego. Unha polémica alimentada por chíos e fíos en redes sociais na procura de adeptos. Galaxia non se pronuncia de xeito oficial e a Asociación de Escritoras e Escritores en Lingua Galega (AELG) e a Asociación Galega de Editores recoñecen dificultades no sector. Esta é a crónica da semana do maior "culebrón social media" literario-editorial de Galicia.