Formoso afea a Feijóo que manteña a campaña interna do PP en plena crise: "é o único candidato"

O secretario xeral do PSdeG, Valentín González Formoso, solicitou por escrito manter un encontro co presidente da Xunta, Alberto Núñez Feijóo, para abordar o "escenario crítico" ao que se enfronta a sociedade galega ante o impacto da guerra de Ucraína sumada ao contexto socioeconómico previo á invasión.

"A historia vainos a xulgar polo compromiso que teñamos con Galicia", aseverou González Formoso nunha rolda de prensa celebrada este martes no Parlamento de Galicia, onde, acompañado polo portavoz do Grupo Socialista, Luís Álvarez, informou do envío dunha carta dirixida ao presidente galego para concertar unha cita entre ambos "coa maior urxencia posible".

O responsable socialista preguntouse "que pensará un mariñeiro de Corme que ten o seu barco amarrado" polo custo dos carburantes cando "ve ao seu presidente nun mitin" fóra de Galicia no marco da campaña interna do Partido Popular. "Non son primarias, a súa presenza en campaña non pode ser tan importante como gobernar o país", engadiu.

Todo iso mentres, segundo Formoso, Feijóo está "ausente" realiza unha xira de campaña para un proceso interno no que, como recalcou, é o único candidato a presidir o partido. Así as cousas, considera que o presidente non pode "estar nas Fallas" de Valencia por "unha carreira que só corre el" cando en Galicia "a frouxa de baixura está amarrada" ante a "falta de medidas" por parte dun goberno autonómico con competencias na materia.

Deste xeito, o secretario xeral dos socialistas galegos subliñou a importancia de que se celebre o encontro solicitado ao presidente da Xunta, ao que, de concretarse, comprometeuse a acudir con "actitude positivo e construtiva" para "pór encima da mesa" medidas que palien os efectos da crise sobre a sociedade galega.

Así, expuxo que se reclame ao Goberno central a redución da tarifa eléctrica ou a redución das peaxes nas autoestradas estatais como a AP-9. Para estas infraestructuas propón o mesmo esquema de descontos que para as de titularidade autonómica: rebaixas do 75% para profesionais e do 50% para usuarios convencionais; descontos que tamén reclama nas tarifas da ITV.

Ademais, ve necesario que se "impulsen" proxectos enerxéticos "estratéxicos" como vía para abastecer a demanda interna, rebaixar as tarifas protuarias e establecer liñas de axudas ao combustible para que a pesca de baixura poida operar e habilitar apoios económicos para os produtores agrogandeiros.

O secretario xeral do PSdeG, Valentín González Formoso, e o portavoz do Grupo Socialista, Luís Álvarez; durante unha rolda de prensa na Cámara galega. PSDEG | Fonte: Europa Press