14 cancións para que os nenos aprendan galego divertíndose
"Pan de millo" é un novo un libro-disco publicado por Kalandraka, con ilustracións de Dani Padrón. Vídeo de adianto no interior.
Por GC Tendencias | Pontevedra | 24/09/2013 | Actualizada ás 22:01
O proxecto reúne 14 cancións infantís para público familiar interpretadas por Migallas Teatro, con colaboracións de destacados músicos galegos. Entre eles Magoia Bodega e Paulo Nogueira, do grupo Treixadura.
"Este libro-disco está pensado para seguir practicando o xogo e a diversión, recuperar a memoria dos avós e avoas, e contribuír á transmisión da lingua", explican dende a editorial. O lanzamento contará ademais con presentacións en diversas vilas e cidades galegas .
Segundo Grandío, enxeñeiro de son, foi o responsable da gravación no estudio Casa de Tolos, das mesturas e da masterización da música do disco, no que tamén participa tocando o contrabaixo e a guitarra acústica. O libro estará moi pronto á venda nas librarías.
Velaquí un adianto:
