Premian ao catedrático Mateo Valero polo seu liderado mundial en supercomputación
O Colexio Profesional de Enxeñaría en Informática de Galicia recoñece o labor do investigador.
Por Europa Press / Redacción | SANTIAGO DE COMPOSTELA | 11/10/2021 | Actualizada ás 19:10
O Colexio Profesional de Enxeñaría en Informática de Galicia (Cpeig) outorgou o Premio Colexiado de Honra --da XIII Noite daEnxeñaría en Informática de Galicia-- ao catedrático Mateo Valero Cortés polo seu liderado mundial no campo da supercomputación.
Este arquitecto de computadores é director do Barcelona Supercomputing Center-Centro Nacional de Supercomputación, impulsor da supercomputación en España e Europa, así como un dos investigadores mundialmente máis premiados no seu campo.
Impulsa o desenvolvemento de procesadores en Europa para defender a súa soberanía dixital, a liberdade dos seus cidadáns e a competitividade, segundo destaca o Cpeig. A gala máis importante da informática en Galicia celebrarase o 29 de outubro no Hotel Porta do Camiño, en Santiago de Compostela, nun encontro que reunirá ás empresas máis destacadas do sector TIC en Galicia.
O profesor Valero --Alfamén (Zaragoza), 1952-- estudou ingenería de Telecomunicacións na Universidade Politécnica de Madrid e foi o primeiro catedrático de informática da Universitat Politècnica de Catalunya, en 1983.
