Requisados 400 quilos de marisco na Coruña nun operativo contra o furtivismo
Todo o marisco comisado foi sementado no mar pola confraría da Coruña.
Por E.P. | SANTIAGO DE COMPOSTELA | 24/03/2023 | Actualizada ás 15:11
A Policía Autonómica requisou 300 quilos de ameixa e 100 de ourizo nun operativo contra o furtivismo desenvolvido na provincia da Coruña. En concreto, o operativo, efectuado xunto a vixiantes da confraría da Coruña, permitiu intervir 300 quilos de distintos tipos de ameixa na ría do Burgo e 100 quilos de Canide, en Oleiros.
Como resultado, foron identificadas 12 persoas e tramitáronse outras tantas denuncias por presunta infracción da Lei de pesca de Galicia. Todo o marisco comisado foi sementado no mar pola confraría da Coruña.
O operativo enmárcase no reforzo realizado pola Policía Autonómica no campo da loita contra o furtivismo, en colaboración coa Consellería do Mar. O traballo céntrase en dispositivos dirixidos a impedir a actuación dos furtivos, tanto na actividade extractiva como na venda, transporte e distribución do produto, sen as debidas garantías sanitarias.
