Sanidade avisa de problemas de subministro dun fármaco para tratar a hipertensión grave
O fármaco `Loniten´ distribuirase de maneira controlada debido á escaseza que terá polo menos ata o 1 de xullo.
Por Europa Press / Redacción | Santiago de Compostela | 17/04/2023 | Actualizada ás 11:19
A Axencia Española de Medicamentos e Produtos Sanitarios (AEMPS) informou dos problemas de subministración co medicamento contra a hipertensión grave 'Loniten 10 mg comprimidos, 30 comprimidos', da compañía Pfizer.
Segundo detallou o AEMPS, dependente do Ministerio de Sanidade, este medicamento terá ata polo menos o 1 de xullo unha "distribución controlada" a través do Servizo de Medicamentos en Situacións Especiais debido a que existen "unidades limitadas".
'Loniten' pertence a un grupo de medicamentos chamados vasodilatadores. Utilízase para o tratamento da tensión arterial moi alta (hipertensión grave). A pesar de que o seu principio activo é o minoxidil, non está indicado para promover o crecemento de pelo do coiro cabeludo. Soamente a forma tópica de minoxidil é recomendada para ese uso.
