O braille cumpre 200 anos de evolución

A celebración do Día Mundial do Braille, cada 4 de xaneiro, cobra especial relevancia neste 2025 ao conmemorarse o 200 aniversario da creación deste sistema de lectoescritura fundamental para as persoas cegas. O braille, ideado en 1825 por Louis Braille, transformou a vida das persoas con discapacidade visual ao facilitar o acceso á educación, a cultura e a vida diaria en igualdade de condicións.

Desde o ONCE, institución que promove o uso do braille, destacouse a evolución deste sistema ao longo dos séculos. A xefa da Unidade de Braille do ONCE, subliñou que este código marcou "un antes e un despois" ao permitir a inclusión das persoas cegas na sociedade. Ademais, destacou o desenvolvemento de ferramentas como o método Braitico para a infancia, o editor de textos Ebrai ou dispositivos tecnolóxicos como as liñas braille e teclados móbiles.

O braille pasou de ser un sistema manual a incorporar tecnoloxías avanzadas que melloran a súa usabilidade en educación, traballo e lecer. Con motivo do seu segundo centenario, preparáronse actividades como o Congreso do Consello Iberoamericano do Braille e a campaña para que a Unesco recoñeza este código como Patrimonio Cultural Inmaterial da Humanidade, reflectindo a importancia deste sistema para os 285 millóns de persoas cegas en todo o mundo.