O Consello da Avogacía Galega pide ao Goberno que "reconsidere" crear xulgados en Lugo e Santiago

O Consello da Avogacía Galega solicitou este martes ao Goberno central que "reconsidere" a negativa a crear xulgados do Social en Santiago e Lugo por considerar que estes "son fundamentais nestas cidades".

Así o subliñou, nun comunicado de prensa, esta entidade que aglutina e coordina ao sete colexios de avogados de Galicia, á vez que lamentou "de maneira profunda" este rexeitamento do Ministerio de Xustiza.

"A creación de senllos xulgados do Social nas cidades de Lugo e Santiago de Compostela está avalada por sólidos informes da Xunta e do Tribunal Superior de Xustiza de Galicia, que demostran que estes xulgados son fundamentais nestas cidades", expón o Consello da Avogacía Galega.

Deste xeito, os avogados apoian á Comisión Mixta Xunta-TSXG para que "realice as xestións convenientes para que se cren de inmediato devanditos órganos xudiciais". "O insólito rexeitamento dos informes sobre creación de novos órganos xudiciais revela, cando menos, un descoñecemento da situación dos xulgados destas dúas cidades e unha falta de sensibilidade que causa un grave prexuízo á cidadanía", sostén.

Por iso, o Consello da Avogacía Galega adhírese ás protestas dos colexios de avogados de Lugo e Santiago e apoia á comisión mixta para que realice as "xestións convenientes" para que "se cren de inmediato ditos órganos xudiciais".

Xulgado de Monforte | Fonte: XdL