O director Oliver Laxe reflexiona sobre o ámbito rural no cinema e na literatura nun encontro en Santiago
Fíxoo no Foro Internacional da Cultura e da Economía Rural, Ficrural, que se celebra en Santiago.
Por E.P. | SANTIAGO DE COMPOSTELA | 28/09/2019 | Actualizada ás 19:37
O cineasta Oliver Laxe fixo este sábado a súa primeira aparición pública tras recibir un premio no Festival de San Sebastián por 'O que arde', e fíxoo no Foro Internacional da Cultura e da Economía Rural, Ficrural, que se celebra en Santiago, onde reflexionou sobre o ámbito rural no cinema e na literatura.
Na última xornada do evento, Laxe participou nun debate no que explicou que é o que o leva a abordar este tema nos seus proxectos e a querer vivir no rural é unha razón que define como "egoísta".
"Teño a fortuna de facer arte, de facer cinema, unha ferramenta para descubrirse e coñecerse a si mesmo e, nestes moitísimos anos de traballo, acabei reconectando coa miña esencia e cheguei á conclusión de que a miña esencia está moi ligada á aldea", dixo.
