O Sergas desminte que o cribado de Poio tivera que ser suspendido por "actos violentos"
Na xornada deste mércores está previsto facer 2.000 probas no concello ourensán de Barbadás.
Por E.P. | SANTIAGO DE COMPOSTELA | 20/01/2021 | Actualizada ás 13:13
Uns 2.000 veciños do municipio ourensán de Barbadás están chamados a participar nun cribado para detectar casos de covid especialmente enfocados a descubrir pacientes asintomáticos. As probas realizaranse este xoves 21 de xaneiro a partir das 15,00horas no polideportivo municipal, segundo detallaron as autoridades sanitarias.
En total, o Servizo Galego de Saúde prevé realizar 1.250 probas PCR e 750 test de antíxenos. Con elas pretenden establecer a tipoloxía dos brotes e as súas vías de transmisión, así como establecer medidas para a súa contención. Por outra banda, este mércores retomáronse as probas do cribado realizado no poboado chabolista de O Vao, en Poio, no que están convocados uns 450 veciños da zona. A realización de probas trasladáronse finalmente a un recinto cuberto ante a imposiblidad de levalo a cabo nunha carpa instalada no exterior debido ás inclemencias meteorolóxicas.
BULO
Así as cousas, o cribado segue adiante despois de que tanto a Administración sanitaria como o Consistorio saísen ao paso o pasado mércores para desmentir un bulo difundido por SMS no que, segundo recollían as edicións locais de distintos medios, se informaba de que este cribado fora cancelado "por ameaza con actos violentos".
