Un axente forestal atopa nun monte ao home de 80 anos desaparecido desde o sábado en Rois
O home estaba en perfecto estado.
Por Europa Press / Redacción | SANTIAGO DE COMPOSTELA | 03/05/2021 | Actualizada ás 18:34
Un axente forestal localizou na mañá deste luns nun monte de Rois a un home de 80 anos que se atopaba desaparecido desde o domingo. O axente participaba no operativo de procura articulado desde a central do 112 para dar co paradoiro deste home, cuxa desaparición foi denunciada na noite do domingo.
Así, un dispositivo composto por catro axentes forestais, tres brigadas dos bombeiros forestais e persoal da Garda Civil e de Protección Civil iniciaron as tarefas de peiteado das proximidades onde fora visto por última vez.
O home foi localizado en perfecto estado de saúde ao redor das 12,00 horas deste luns no monte de Vilar de Abade, na parroquia de Sarribas, segundo trasladou o goberno local de Rois.
"Os axentes forestais estamos dispostos a colaborar en todas as accións nas que podamos ser de axuda", manifestou o presidente da Asociación Profesional de Axentes Forestais e Medioambientais de Galicia (Aprafoga), Félix Pérez de la Fuente.
