Recoñecido o dereito dun traballador a que a súa xornada sexa adaptada para o coidado dos fillos
O TSXG recoñeceu o seu dereito á redución de xornada, á vez que condenaba á empresa a indemnizar ao seu empregado con 2.700 euros por "danos morais".
Por E.P. | SANTIAGO DE COMPOSTELA | 02/06/2021 | Actualizada ás 19:28
O TSXG recoñeceu o dereito dun traballador da cadea de supermercados Carrefour a adaptar a súa xornada laboral por razóns de coidado dun fillo menor de 12 anos.
O alto tribunal ratifica, nun fallo emitido o pasado 26 de maio, a sentenza do Xulgado do Social número 2 de Lugo, que en novembro de 2020 deu a razón ao empregado na súa pretensión de quedar eximido de traballar domingos, festivos e nos inventarios polo coidado dos fillos.
Leste mesmo traballador, segundo informa CC.OO., xa gañara un litixio contra a empresa en abril de 2020. Nese caso, o TSXG recoñeceu o seu dereito á redución de xornada, á vez que condenaba a Carrefour a indemnizar ao seu empregado con 2.700 euros por "danos morais".
