Terra, o tema de Tanxugueiras arrasa nas redes sociais
É a primeira vez que unha canción en galego entra na competición da preseleción e de saír vencedora, sería a primeira vez na historia do festival de Eurovisión que unha canción enteiramente nunha lingua minoritaria representa a un estado membro.
Por Galicia Confidencial | Compostela | 21/12/2021 | Actualizada ás 10:28
Terra, o tema co queTanxugueiras presentou a Eurovisión arrasa en redes sociais. Desde este luns, 20 de nadal, cando se filtrou a canción, "Terra" e "Tanxugueiras" están entre as tendencias de España durante gran parte do día. Eurofáns e non eurofáns destacaron a gran sonoridade da canción, a súa música de raíces e, sobre todo, a súa orixinalidade. Hai quen a ve xa como unha firme candidata para Eurovisión, senón a gañalo.
Tanxugueiras defenderán Terra no Benidorm Fest, o festival que servirá como preselección española para elixir o representante de Eurovisión 2022. Aínda que as datas están sen confirmar, especúlase con que o certame terá lugar a última semana de xaneiro. Olaia, Sabela e Aida competirán contra outros trece artistas pola vitoria primeiro en dúas semifinais e, por último, nunha gran final.
De gañar o Benidorm Fest, Tanxugueiras serían as primeiras en levar a Eurovisión unha canción nunha lingua cooficial do Estado. Polo de agora xa son as primeiras artistas da historia en levar unha canción en galego a unha preselección.
🌱✨ #TERRA ✨🌱
— T A N X U G U E I R A S (@tanxugueiras) December 20, 2021
Non hai fronteiras
Ez dago mugarik
No hi ha fronteres
Nun hai fronteres
No hay fronteras
Terra é vosa 🎶 Gozádea! 😊
🎥 https://t.co/niQCZJFJjB
