Borja Jiménez mostra a súa total confianza no seu porteiro suplente Pablo Brea

O adestrador do Deportivo, Borja Jiménez, afirmou que ve ao seu equipo "liberado" despois de pór fin a unha serie de tres derrotas co seu triunfo ante o Calahorra (2-1) o pasado domingo no Etadio Abanca-Riazor e expresou a súa confianza no porteiro Pablo Brea no caso de que este teña que suplir a Ian Mackay por lesión.

"A vitoria serviunos para liberar moito a cabeza, para estar tranquilos e volver sertirnos gañadores. Quedan 14 partidos e as puntuacións andan nos mesmos baremos doutras tempadas. Queda moitísimo", valorou nunha rolda de prensa telemática.

O técnico aclarou que el non tivo "dúbidas" respecto ao equipo na serie negativa que atravesou nas últimas semanas despois dunha serie positiva de 13 partidos sen perder. "Eu non teño ningunha dúbida porque lles vexo adestrar no día a día, porque o equipo vai líder e polo grupo humano, que é fundamental", apunta.

O técnico está centrado xa no seguinte compromiso do curso en Primeira RFEF, ante o San Sebastián de los Reyes no campo de céspede artificial de Matapiñonera. "As últimas sensacións en artificial foron moi boas. Ante o DUX, o equipo estivo moi ben con pelota, sen renunciar ao que facemos", declarou.

Jiménez destacou o bo momento que atravesa o San Sebastián de los Reyes e afirmou que, se no partido non pode xogar Ian Mackay, que esta semana se produciu unha escordadura de nocello nun adestramento, farao Brea, no que confía aínda que no seu único partido oficial co primeiro equipo, ante o UCAM Murcia na Copa do Rei, non estivo afortunado.

"O que temos claro é que non imos correr ningún risco porque temos plena confianza en Pablo. Vémolo adestrar todos os días", manifestou. O adestrador do Deportivo tamén está pendente de Trilli, que esta semana estivo concentrado coa selección española sub-19 a pesar de que se atopaba lesionado.