Hablamos Español "teme" que Pedro Puy suceda a Feijóo por ser "favorable á imposición lingüística"
"E difícil encontrar no PPdeG a un non nacionalista, pero Puy é especialmente favorable á imposición lingüística", expuxeron a través de Twitter.
- Hablamos Español alíase con Vox para denunciar o "adoctrinamento nacionalista" da Xunta
- Gloria Lago insiste en denunciar á Xunta se o certificado de vacinación non se expide en castelán
- Futuro Xunta: Rueda xa pon prazos á substitución de Feijóo
Por Galicia Confidencial | SANTIAGO DE COMPOSTELA | 05/04/2022 | Actualizada ás 11:05
A asociación Hablamos Español, presidida por Gloria Lago, criticou a través das redes sociais que o portavoz do Partido Popular no Parlamento de Galicia, Pedro Puy, poida suceder o aínda presidente da Xunta de Galicia e líder do PP estatal, Alberto Núñez Feijóo, como novo xefe do PPdeG.
Así o expuxo a través da súa conta de Twitter, onde sinala que "teme" que Pedro Puy suceda a Feijóo porque "é difícil encontrar no PPdeG a un non nacionalista, pero Puy é especialmente favorable á imposición lingüística". Por iso, asegura a plataforma, levan "semanas cruzando os dedos".
O tweet bateu coas críticas doutras persoas usuarias que aclaraban que ninguén é favorable á imposición lingüística senón que simplemente se fai cumprir a Constitución Española e o Estatuto de Galicia. "Que culpa temos os demais de que non sexades capaces de aprender outra lingua?", recrimináronlle.
Tememos que Feijoo designe a Pedro Puy como su sucesor en Galicia. Llevamos semanas cruzando los dedos. Es difícil encontrar en el PPdG a un no nacionalista, pero Puy es especialmente favorable a la imposición lingüística. 😬🙏 #HablamosEspañol pic.twitter.com/HUnS7O0kTQ
— Hablamos español (@HablamosE) April 3, 2022
