Urbaser mobilízase en Santiago contra as "represalias" da empresa

Traballadores de Urbaser en Santiago, a contrata de limpeza viaria, celebraron na mañá deste mércores unha manifestación polo polígono do Tambre convocada polo comité de empresa. Durante a protesta, que se realizou a pé polo polígono desde a nave da empresa situada na rúa Vía Edison, portaron pancartas nas que se lía 'Urbaser non cumpre os acordos', á vez que gritaban consignas como 'A loita é ou único camiño'. Todo iso mentres facían soar tambores e bucinas no seu percorrido.

O persoal reclama a readmisión de traballadores despedidos "sen motivo", no que os sindicatos consideran "unha represalia" ante a nova negociación do convenio de empresa. Esta é unha nova mobilización dos empregados, quen nas últimas semanas levaron as súas reivindicacións ata o Concello de Santiago. Denuncian incumprimento dos acordos da concensionaria para a renovación de persoal eventual, así como o despedimento de dous traballadores que levaban catro anos contratados.

Protesta de traballadores de Urbaser no polígono do Tambre. COMPOSTELA ABERTA | Fonte: Europa Press