Só un dos catro cans que atacaron a unha muller en Muíños tiña seguro

Só un dos catro cans que atacaron a unha muller en Muíños o pasado 29 de xaneiro tiña a documentación en regra e seguro en vigor, segundo confirmaron a Europa Press fontes da Benemérita.

Hai uns días, axentes da Garda Civil tomaron declaración, en calidade de investigada por un delito de lesións por imprudencia grave, á dona dos cans. Trátase dunha veciña do municipio, de 47 anos, que non contaba con licenza municipal para ter cans de raza perigosa. Dos catro que agrediron á vítima, tres eran pitbull.

É o Xulgado de Instrución de Bande o que leva o caso por estes feitos, co resultado da muller agredida ferida grave. Ao mesmo, chegou a semana pasada o atestado e está acordado, segundo fontes xudiciais, que a xuíza cite a declarar á prexudicada para prestar declaración e que a vexa o forense, así como á dona dos cans.

O suceso produciuse ao redor das 11,30 horas cando a vítima foi a recoller verdura á leira. Debido ás lesións, de carácter grave, nun primeiro momento trasladouse á víctima ao PUnto de Atención Continuada de Muíños e logo ao complexo hospitalario de Ourense.

Can pitbull, considerado de raza perigosa | Fonte: EP