A caída dun motorista en Dumbría necesitou da intervención de varios servizos sanitarios

Por último, un motorista foi trasladado ao hospital tras sufrir unha caída en Dumbría. O 112 tivo constancia deste sinistro dez minutos despois das 19 horas do sábado, a través do persoal de Urxencias Sanitarias de Galicia-061. Un motorista caera nun terraplén en Dumbría, e solicitaban a intervención doutros servizos sanitarios para axudar a evacualo ata a ambulancia.

Deste xeito, os xestores do 112 coordinaron a acción dos Bombeiros de Cee e da Garda Civil de Tráfico, que se desprazaron ata o lugar. Unha vez finalizado o operativo, o ferido foi trasladado ao Hospital Virxe da Xunqueira.