Cortes na estrada AC-552 por obras en sendas no Concello de Coristanco a partir do luns

As obras das sendas de Montecelo e Bormoio que se desarollan no municipio coruñés de Coristanco provocarán desde este luns cortes de tráfico na estrada AC-552.

Segundo informou a Consellería de Infraestruturas e Mobilidade este xoves, o peche prolongarase ata o 10 de novembro para ampliar a estrutura desta vía autonómica sobre o río Calvar.

Alí habilitarase un paso peonil que forma parte da construción de máis de 1,3 quilómetros de senllas na AC-552, que conta cun investimento de 777.000 euros.

Para minimizar a afección ao tráfico, a Xunta habilitará un desvío pola autovía da Costa da Morte, que estará debidamente sinalizado.

Obras nunha estrada. DEPUTACIÓN DA CORUÑA