O Sergas deseña un novo modelo de asistencia ás persoas con diabetes mellitus tipo 2
Por Europa Press / Redacción | A CORUÑA | 15/11/2023 | Actualizada ás 16:50
O conselleiro de Sanidade, Julio García Comesaña, presentou este mércores un novo modelo de asistencia ás persoas con diabetes mellitus tipo 2, que inclúe un plan preventivo individualizado con recomendacións de alimentación e estilos de vida saudables.
O documento é froito do traballo dun grupo de profesionais do sistema sanitario galego, coordinados desde a Subdirección Xeral de Atención Primaria do Sergas, aos que o titular da carteira sanitaria agradeceulles o seu labor. Segundo expuxo o conselleiro, nun acto no complexo hospitalario universitario da Coruña (Chuac), este proceso asistencial integrado, que actualiza o de 2015, súmase aos catro que o seu departamento presentou tamén este ano.
Por outra banda, o Palacio de Congresos e Exposicións da Coruña (Palexco) reune entre este mércores e o próximo día 17 a especialistas en transplante hepático con motivo da celebración do 29 Congreso da Sociedade Española de Transplante Hepático. Desde a primeira intervención destas características, en 1994, o Chuac realizou 1.450, dos que 47 corresponden a este ano en curso.
