Evacuado en helicóptero un ciclista tras ser atropelado por un coche en Carballedo

Un ciclista tivo que ser evacuado en helicóptero tras ser atropelado por un coche no lugar de Bustelo, en Carballedo.

Segundo informou o 112, o suceso produciuse ás 19.00 horas deste venres e foi o propio condutor o que deu a voz de alarma. Ata o punto desprazáronse o Servizo de Urxencias Sanitarias de Galicia-061, os Bombeiros de Chantada e os axentes da Garda Civil.

Os profesionais de urxencias sanitarias, que mobilizaron o helicóptero medicalizado con base en Ourense, atenderon ao ferido, que estaba consciente, e trasladárono ao hospital de referencia.

Helicóptero de Urxencias Sanitarias de Galicia-061.. 061 | Fonte: Europa Press