Detido un veciño de Castrelo de Miño por intentos de roubos en tres vivendas e unha barbaría

Un veciño de Castrelo de Miño (Ourense), de 58 anos, foi detido por tentar roubar en tres vivendas e unha barbaría do municipio. Segundo informa a Garda Civil, o equipo Roca da comandancia de Ourense, no marco da operación 'Stepasou', detivo a este veciño o pasado mércores como presunto autor de catro delitos de roubo con forza en grao de tentativa ocorridos este mes.

O detido forzaba as portas de entrada causando importantes danos materiais. En dúas das vivendas estaban os seus moradores dentro e nos dous casos este individuo foi sorprendido por veciños. O home foi posto a disposición xudicial do xulgado de Ribadavia.

Veciño de Castrelo de Miño detido por intentos de roubos. GARDA CIVIL | Fonte: Europa Press