Stellantis comeza a pechas fábricas, a primeira en Arizona
A media ten que vir coa crise da automobilística a nivel mundial.
Por Europa Press / Redacción | MADRID | 18/10/2024 | Actualizada ás 18:35
O fabricante de automóbiles Stellantis valora o peche e posterior venda dun dos seus principais centros de probas de vehículos a nivel global localizado en Arizona (Estados Unidos).
A decisión tómase en aras de acelerar o programa de redución de custos da compañía que dirixe Carlos Tavares para quen xa están a buscar substitución cando expire o seu contrato en 2026 ante a caída de beneficios do grupo, segundo publica este venres 'CNBC' e recolle Europa Press.
Chrysler comprou a propiedade a Ford en 2007 por algo máis de 35 millóns de dólares (algo máis de 32 millóns de euros). Nestas instalacións traballan unhas 69 persoas. A partir do ano que vén, tal e como recollen medios norteamericanos, Stellantis usará os campos de probas de Toyota en Arizona de maneira que a nipoa tamén rendibilizará as súas instalacións mediante o seu aluguer a outros grupos automobilísticos.
Entre 2019 e 2023, Stellantis reduciu o seu persoal global en, aproximadamente, un 15,5%, isto son, 47.500 empregados incluído un recorte do 14,5% da súa forza laboral en América do Norte.
